வீட்டில் பதுக்கிவைத்திருந்த 90 கிலோ கடல் அட்டைகள் பறிமுதல்

நாகை அருகே வெளிநாட்டுக்கு கடத்துவதற்காக வீட்டில் பதுக்கி வைத்திருந்த 90 கிலோ கடல் அட்டைகளை வனத்துறையினா் ஞாயிற்றுக்கிழமை பறிமுதல் செய்தனா்.

நாகை மாவட்டம், செல்லூா் சுனாமி குடியிருப்பு பகுதியில் வெளிநாட்டுக்கு கடத்துவதற்காக கடல் அட்டைகள் பதுக்கிவைக்கப்பட்டிருப்பதாக நாகை மாவட்ட வனத்துறை அதிகாரிகளுக்கு தகவல் கிடைத்தது.

இதையடுத்து, வனத்துறையினா் செல்லூா் சுனாமி குடியிருப்புப் பகுதியில் உள்ள குறிப்பிட்ட வீட்டில் சோதனை நடத்தினா். அப்போது, வீட்டில் பதுக்கி வைத்திருந்த 90 கிலோ கடல் அட்டைகளை பறிமுதல் செய்தனா்.

இதன் மதிப்பு ரூ. 1 கோடி எனக் கூறப்படுகிறது. பறிமுதல் செய்யப்பட்ட கடல் அட்டைகள் வனத்துறை அலுவலகத்துக்கு கொண்டுச் செல்லப்பட்டது. கடல் அட்டைகளை பதுக்கிவைத்த நபா்களை வனத்துறையினா் தேடி வருகின்றனா்.