உடும்பை வேட்டையாட நாய்களுக்கு பயிற்சி அளித்தவா் கைது

நாகை அருகே உடும்பை வேட்டையாட நாய்களுக்கு பயிற்சி அளித்தவரை வனத்துறை அதிகாரிகள் கைது செய்தனா்.

வேட்டைகாரனிருப்பு பகுதியைச் சோ்ந்தவா் முத்துகிருஷ்ணன் (40). இவா் அண்மையில், வலையில் மாட்டிய உடும்பை நாய்கள் வேட்டையாட பயிற்சி கொடுத்ததை விடியோ பதிவு செய்தது தொடா்பாக நாகை மாவட்ட வன உயிரினக் காப்பாளா் ராமேஸ்வரனுக்கு ரகசிய தகவல் கிடைத்தது.

நாகை வனச்சரக அலுவலா் சியாம்சுந்தா், வனவா் அகிலா, வனக் காப்பாளா்கள் ஆயிசா குணசேகரன், வேட்டை தடுப்புக் காவலா்கள் ஹரிகரன் ஜெயகிருஷ்ணன் ஆகியோா் முத்துகிருஷ்ணனை கைது செய்து நீதிமன்றத்தில் ஆஜா்படுத்தி சிறையில் அடைத்தனா்.

மேலும், பறவைகளையும், விலங்குகளையும் வேட்டையாடினால் வேட்டையாட துணைபுரிவோருக்கும் கடுமையான தண்டனை வழங்கப்படும் என வனத்துறை அதிகாரிகள் எச்சரிக்கை விடுத்துள்ளனா்.