தொழிலாளி தூக்கிட்டுத் தற்கொலை

விருதுநகா் மாவட்டம், ராஜபாளையத்தில் புதன்கிழமை கட்டடத் தொழிலாளி தூக்கிட்டுத் தற்கொலை செய்து கொண்டாா்.

ராஜபாளையம் சுப்பராஜா மடம் தெருவைச் சோ்ந்த அருணகிரி மகன் மாரிக்கண்ணு (25). கட்டடத் தொழிலாளியான இவா், தென்காசி மாவட்டம், சிவகிரியைச் சோ்ந்த வாசுகியை காதலித்து திருமணம் செய்தாா். இவா்களுக்கு 2 வயதில் ஒரு மகன் உள்ளாா். இந்த நிலையில், கணவன், மனைவிக்கு இடையே அடிக்கடி தகராறு ஏற்பட்டதாகக் கூறப்படுகிறது. இதனால், வாசுகி கோபித்து கொண்டு சிவகிரியில் உள்ள தாய் வீட்டுக்கு சென்று விட்டாா்.

இதனிடையே மனவிரக்தியில் இருந்த மாரிக்கண்ணு புதன்கிழமை வீட்டில் தூக்கிட்டுத் தற்கொலை செய்து கொண்டாா்.

இதுகுறித்து ராஜபாளையம் வடக்கு காவல் நிலைய போலீஸாா் வழக்குப் பதிவு செய்து விசாரித்து வருகின்றனா்.