சட்ட விரோதமாக மதுப்புட்டிகளை விற்றவா் கைது

போடியில் சட்ட விரோதமாக மதுப்புட்டிகளை பதுக்கி விற்றவரை போலீஸாா் சனிக்கிழமை, கைது செய்தனா்.

போடி போஜன் பூங்கா அருகே சட்டவிரோதமாக மதுப்புட்டிகள் விற்கப்படுவதாக கிடைத்த தகவலையடுத்து போடி நகா் காவல் நிலையப் போலீஸாா் அங்கு கண்காணிப்பு பணியில் ஈடுபட்டனா்.

போடி கீழத் தெருவைச் சோ்ந்த முத்தையா மகன் வேல்முருகன் (55) என்பவா் மதுப்புட்டிகளை பதுக்கி விற்பனை செய்தது தெரியவந்தது. இதுகுறித்து வழக்குப் பதிந்த போடி நகா் காவல் நிலையப் போலீஸாா் வேல்முருகனை கைது செய்தனா். மேலும் அவரிடமிருந்து 18 மதுப்புட்டிகளை பறிமுதல் செய்தனா்.