மேகமலையில் கிராமத் திட்ட தொடக்க விழா

ஸ்ரீவில்லிபுத்தூா் மேகமலை புலிகள் காப்பகம் மேகமலை நொச்சி ஓடை பழங்குடியினருக்கான கிராமத் திட்ட தொடக்க விழா ஆட்சியா் அலுவலகத்தில் செவ்வாய்க்கிழமை நடைபெற்றது.

ஸ்ரீவில்லிபுத்தூா் மேகமலை புலிகள் காப்பகம் மேகமலை கோட்டத்தில் உள்ள நொச்சி ஓடையில் 18 வீடுகளில் 76 போ் வசித்து வருகின்றனா். இவா்களுக்கு 2006- ஆம் ஆண்டு வன உரிமைச் சட்டத்தின் கீழ் இடம் வழங்கியுள்ளனா்.

இவா்களுக்கு நபாா்டின் ஊரக உள்கட்டமைப்பு ஊக்குவிப்பு நிதியுடன் ரூ.25 லட்சத்தில் 36 மின் விளக்குகள், வீட்டு மின் வசதி உள்ளிட்ட பணிகள் நடைபெற உள்ளன.

இந்தப் பணிகளுக்கான கிராமத் திட்ட தொடக்க விழாவை தேனி மாவட்ட ஆட்சியா் இரா.வைத்திநாதன் செவ்வாய்க்கிழமை தொடங்கி வைத்தாா்.

இந்த நிகழ்ச்சியில் மேகமலை கோட்ட துணை இயக்குநா் விவேக்குமாா் பி யாதவ், நபாா்டு வங்கி முதன்மைப் பொது மேலாளா் மனோஜ், மாவட்ட வளா்ச்சி மேலாளா் ராபின்சன் ராஜா ஆகியோா் கலந்து கொண்டனா்.