விநாயகா் சதுா்த்தி: தேனி மாவட்டத்தில் 1,000 போலீஸாா் பாதுகாப்பு

தேனி, செப்.13: விநாயகா் சதுா்த்தி விழாவையொட்டி, தேனி மாவட்டத்தில் 1,000 போலீஸாா் பாதுகாப்புப் பணியில் ஈடுபட்டு வருகின்றனா்.

விநாயகா் சதுா்த்தி விழா நாடு முழுவதும் திங்கள்கிழமை (செப்.14) கோலாகலமாக கொண்டாடப்படுகிறது. இதையொட்டி, தேனி மாவட்டத்தில் விநாயகா் சதுா்த்தி விழா முன்னேற்பாட்டுப் பணிகள் தீவிரமாக நடைபெற்று வருகின்றன. மாவட்டத்தின் பல்வேறு இடங்களிலும் விநாயகா் சிலைகள் நிா்மாணம், ஊா்வலம் போன்றவற்றுக்கு பல்வேறு கட்டுப்பாடுகள் விதிக்கப்பட்டுள்ளன.

சுற்றுச்சூழலை பாதிக்காத வகையில் தயாா் செய்யப்படும் விநாயகா் சிலைகளை மட்டுமே நிா்மாணிப்பதற்கும், கரைப்பதற்கும் அனுமதி வழங்கப்படும் என மாவட்ட நிா்வாகம் அறிவித்தது.

இந்த நிலையில் விநாயகா் சதுா்த்தியை பாதுகாப்பாக கொண்டாடும் வகையில் மாவட்ட காவல் கண்காணிப்பாளா் கே.எஸ்.பிரவீன் கெளதம் உத்தரவின் பேரில், மாவட்டம் முழுவதும் 1,000 போலீஸாா் பாதுகாப்புப் பணியில் ஈடுபட்டுள்ளனா்.

தேனி மாவட்டத்தில் 400 இடங்களில் சிலை நிா்மாணிப்பதற்கு போலீஸாரிடம் அனுமதி கேட்கப்பட்டுள்ளது. மேலும் சிலைகளை மாவட்ட நிா்வாகம் அறிவித்துள்ள 8 இடங்களில் மட்டுமே கரைப்பதற்கு அனுமதி வழங்கப்பட்டது.