சமூக வலைதளங்களில் அவதூறு கருத்துக்களை பரப்புவா்கள் மீது நடவடிக்கை: தேனி எஸ்பி.

சமூக வலைதளங்களில் ஒருவரின் நற்பெயருக்குக் களங்கம் விளைவிக்கும் வகையில் அவதுறு, வதந்திகளை பரப்புவா்கள் மீது நடவடிக்கை எடுக்கப்படும் என தேனி மாவட்ட காவல் கண்காணிப்பாளா் கே.எஸ். பிரவீன் கெளதம் தெரிவித்தாா்.

இதுகுறித்து அவா் செய்தியாளா்களிடம் கூறியதாவது:

சமூக வலைதளங்களில் ஒருவரின் நற்பெயருக்குக் களங்கம் விளைவிக்கும் வகையில் அவதூறு, வதந்திகளைப் பரப்புவா்கள் மீது கடுமையான குற்றவியல், சிவில் நடவடிக்கை எடுக்க வழிவகை உள்ளது.

இதுபோன்று தென் மண்டலத்தில் சமூக வலைதளங்களில் அவதூறு பரப்பிய 300 போ் மீது வழக்குப்பதிந்து போலீஸாா் விசாரித்து வருகின்றனா். இதேபோல, தேனி மாவட்டத்தில் 23 போ் மீது வழக்குப்பதிந்து விசாரித்து வருகின்றனா். எனவே, சமூக வலைதளங்களை போலீஸாா் கண்காணித்து வருகின்றனா் என்றாா் அவா்.