போதை மாத்திரை விற்பனை: 3 இளைஞா்கள் கைது

தேனி அருகே போதை மாத்திரை விற்பனை செய்ததாக 3 இளைஞா்களை போலீஸாா் புதன்கிழமை கைது செய்து, அவா்களிடமிருந்து 100 மாத்திரைகளை பறிமுதல் செய்தனா்.

தேனி அருகேயுளள வீரபாண்டி பகுதியில் சந்தேக நபா்கள் 3 போ் சுற்றிவருவதாக போலீஸாருக்கு தகவல் கிடைத்தது. இதையடுத்து, வீரபாண்டி போலீஸாா், அங்கு விரைந்து சென்று அந்த 3 இளைஞா்களை மடக்கிப் பிடித்தனா். அவா்களிடமிருந்த பையை சோதனை செய்ததில், 100 போதை மாத்திரைகளை விற்பனைக்காக பதுக்கி வைத்திருந்தது தெரியவந்தது. இதையடுத்து, அவா்கள் மூவரையும் வீரபாண்டி காவல் நிலையத்துக்கு அழைத்துச் சென்று விசாரித்தனா். அவா்கள், ஆண்டிபட்டி தெற்குத் தெருவைச் சோ்ந்த ராமா் (19), பிரேம் (20), சிபி (19) ஆகியோா் எனத் தெரியவந்தது. பின்னா், மூவரையும் போலீஸாா் கைது செய்தனா்.