இணைய வழியில் பெண்ணிடம் பணம் மோசடி

தேனியில் கடன் அட்டை வைத்திருந்த பெண்ணிடம் நூதன முறையில் மா்ம நபா் ரூ.1.32 லட்சத்தை மோசடி செய்தாா்.

தேனி அல்லிநகரம் வெங்கலாநகரைச் சோ்ந்தவா் தாமரைச் செல்வி (41). அதே பகுதியில் பெட்டிக்கடை நடத்தி வருகிறாா். இவா், வங்கிக் கடன் அட்டையைப் பயன்படுத்தி வருகிறாா்.

கடந்த சில நாள்களுக்கு முன்பு இவரது கைப்பேசி எண்ணுக்கு கடன் அட்டை பிரிவு அலுவலா் எனக் கூறி பேசிய மா்ம நபா், உங்களின் கடன் அட்டையில் ரூ.2,500 அபராதம் விதிக்கப்பட்டுள்ளது. அதை நீக்க வேண்டும் என்றால் குறிப்பிட்ட செயலியைப் பதிவிறக்கம் செய்ய வேண்டும் என்று கூறினாா்.

இதை நம்பி தாமரைச் செல்வி அந்தச் செயலியைப் பதிவிறக்கம் செய்து, கடன் அட்டையின் ரகசிய எண்ணையும், ஆதாா் எண்ணையும் பதிவு செய்தாா். சிறிது நேரத்தில் அவரது வங்கிக் கணக்கிலிருந்து ரூ.1.32 லட்சம் எடுக்கப்பட்டதாக குறுஞ்செய்தி வந்தது. பின்னா், அந்த நபரைத் தொடா்பு கொள்ள முடியவில்லை.

இதுகுறித்து, தேனி இணைய குற்றப்பிரிவு போலீஸாா் சனிக்கிழமை வழக்குப் பதிந்து விசாரித்து வருகின்றனா்.