பள்ளியில் தகராறு செய்தவா் மீது வழக்கு

தேனி மாவட்டம், போடி அருகே பள்ளியில் புகுந்து தகராறு செய்தவா் மீது போலீஸாா் செவ்வாய்க்கிழமை வழக்குப் பதிவு செய்தனா்.

போடி அருகேயுள்ள துரைராஜபுரம் குடியிருப்பில் அரசு ஆதிதிராவிடா் நடுநிலைப் பள்ளி செயல்பட்டு வருகிறது. இந்தப் பள்ளியில் தலைமையாசிரியராக சுல்தான்மைதீன் (48) பணியாற்றி வருகிறாா்.

இந்தப் பள்ளியில் செவ்வாய்க்கிழமை மது போதையில் புகுந்த அதே ஊரைச் சோ்ந்த பொன்ராஜ் மகன் சூா்யா, தலைமை ஆசிரியரையும், ஆசிரியரையும் அவதூறாகப் பேசியதாகக் கூறப்படுகிறது.

இதுகுறித்து போடி ஊரகக் காவல் நிலையப் போலீஸாா் சூா்யா மீது வழக்குப் பதிவு செய்து விசாரித்து வருகின்றனா்.