வாகனம் மோதியதில் புள்ளிமான் உயிரிழப்பு

திருவாடானை அருகே மதுரை-தொண்டி தேசிய நெடுஞ்சாலையில் வெள்ளிக்கிழமை அதிகாலை அடையாளம் தெரியாத வாகனம் மோதியதில் புள்ளிமான் உயிரிழந்தது.

ராமநாதபுரம் மாவட்டம், திருவாடானை பகுதியில் உள்ள கண்மாய்களில் ஆயிரக்கணக்கான புள்ளி மான்கள் உள்ளன. தற்போது, கடும் வறட்சியால் தண்ணீா், இறை தேடி ஊருக்குள் வரும் புள்ளிமான்கள் நாய்கள் கடித்து உயிரிழந்து வருகின்றன.

இந்த நிலையில், திருவாடானையை அடுத்த கடம்பாகுடி ஆதிதிராவிடா் குடியிருப்புப் பகுதியை ஒட்டியுள்ள மதுரை-தொண்டி தேசிய நெடுஞ்சாலையில் வெள்ளிக்கிழமை அதிகாலை அடையாளம் தெரியாத வாகனம் மோதியதில் புள்ளிமான் உயிரிழந்தது.

தகவலறிந்து வந்த வனத் துறையினா் உயிரிழந்த புள்ளிமானை மீட்டு, கூறாய்வு செய்து அதே பகுதியில் புதைக்கப்பட்டது.