தியாகி இமானுவேல் சேகரனாரின் நினைவு தினம்: பாதுகாப்பு ஏற்பாடுகள் குறித்த ஆலோசனைக் கூட்டம்

ராமநாதபுரம் மாவட்டம், பரமக்குடியில் செப் 11-ஆம் தேதி சுதந்திரப் போராட்டத் தியாகி இமானுவேல் சேகரனாரின் நினைவு தினம் அனுசரிக்கப்படுவதையொட்டி, பாதுகாப்பு ஏற்பாடுகள் குறித்த ஆலோசனைக் கூட்டம் ஆட்சியா் அலுவலகத்தில் வியாழக்கிழமை நடைபெற்றது.

இந்தக் கூட்டத்துக்கு மாவட்ட ஆட்சியா் மா.சிவகுரு பிரபாகரன், மாவட்ட காவல் கண்காணிப்பாளா் ஜி.சந்தீஷ் ஆகியோா் தலைமை வகித்தனா்.

இந்தக் கூட்டத்தில் இமானுவேல் சேகரனாரின் நினைவு தினத்தை முன்னிட்டு அரசு சாா்பில் மரியாதை செலுத்த வரும் அமைச்சா்கள், அரசியல் கட்சி முக்கியத் தலைவா்கள், சமுதாயத் தலைவா்கள், பொதுமக்களை அனுதிக்கும் வழித்தடங்கள் குறித்து ஆலோசிக்கப்பட்டது. மேலும், மரியாதை செலுத்த வருபவா்கள் சொந்த வாகனங்களில் மட்டுமே வருவதற்கு அனுமதிக்க வேண்டுமென வலியுறுத்தப்பட்டது. இந்தக் கூட்டத்தில், மாவட்ட வருவாய் அலுவலா் வ.சங்கர நாராயணன், காவல் துணைக் கண்காணிப்பாளா்கள், வருவாய்த் துறையினா் கலந்துகொண்டனா்.