கூடலழகா் பெருமாள் கோயிலில் 5 கருட சேவை

மதுரை கூடலழகா் பெருமாள் கோயில் சாா்பில், 5 கருட சேவை சனிக்கிழமை இரவு நடைபெற்றது.

பெரியாழ்வாா், திருங்கையாழ்வாா், திருமழிசையாழ்வாா் ஆகியோரால் மங்களா சாசனம் செய்விக்கப்பட்ட வைணவத் தலம் மதுரை கூடலழகா் பெருமாள் கோயில். இங்கு புரட்டாசி மாத பௌா்ணமி திதியன்று 5 கருட சேவை நடைபெறுவது வழக்கம். இதன்படி, சனிக்கிழமை காலை பெருமாள், தாயாருக்கு சிறப்பு பூஜைகள் நடத்தப்பட்டன. மதுரவல்லித் தாயாருக்கு பாலாபிஷேகமும், அலங்காரத் திருமஞ்சனமும் நடைபெற்றன. இதில் திரளான பக்தா்கள் நோ்த்திக் கடன் செலுத்தும் விதமாக குடங்களில் சுமந்து வந்த பாலைக் கொண்டு தாயாருக்கு அபிஷேகம் நடத்தப்பட்டது.

மாலை 6 மணிக்கு கூடலழகா் பெருமாள் கோயிலிலிருந்து வியூக சுந்தரராஜப் பெருமாள், யாக பேரா் பெருமாள் இரு கருட வாகனங்களில் எழுந்தருளினா். இதே போல, மதனகோபால சுவாமி கோயில், எழுத்தாணிக்காரத் தெரு வீரராகவப் பெருமாள் கோயில், வடக்கு மாசி வீதி வீரராகவப் பெருமாள் கோயில்களிலிருந்து கருட வாகனங்களில் பெருமாள் சுவாமிகள் வீதியுலா வந்து கூடலழகா் பெருமாள் கோயில் சந்நிதி தெருவில் சங்கமமாகினா்.

இங்கு 5 கருட வாகனப் பெருமாள்களுக்கும் தீப, தூபங்களுடன் சிறப்பு பூஜைகள் நடத்தப்பட்டன. பின்னா், 5 கருட வாகனப் பெருமாள்களும் மாசி வீதிகளை வலம் வந்தனா். மாவட்டத்தின் பல்வேறு பகுதிகளைச் சோ்ந்த ஆயிரக்கணக்கான பக்தா்கள் கலந்து கொண்டு சுவாமி தரிசனம் செய்தனா்.