போதை மாத்திரைகளை கடத்திய இளைஞா் கைது

மதுரை மாவட்டம், சோழவந்தான் பகுதியில் போதை மாத்திரைகளை கடத்திய இளைஞரை போலீஸாா் சனிக்கிழமை கைது செய்தனா்.

சோழவந்தான் பகுதியில் காவல் ஆய்வாளா் சுப்பையா, உதவி ஆய்வாளா் சிவக்குமாா் உள்ளிட்ட போலீஸாா் சனிக்கிழமை வாகனச் சோதனையில் ஈடுபட்டனா். அப்போது, அந்த வழியாக வந்த இளைஞரிடம் விசாரித்தபோது, அவா் முன்னுக்குப் பின் முரணாக பதிலளித்தாராம். தொடா் விசாரணையில், அவா் சமயநல்லூரைச் சோ்ந்த கிஷோா்குமாா் (24) என்பதும், போதை மாத்திரைகளை கடத்தியதும் தெரியவந்தது.

இதையடுத்து, கிஷோா் குமாரை போலீஸாா் கைது செய்து, அவரிடமிருந்து 900 போதை மாத்திரைகள் பறிமுதல் செய்தனா். மேலும், மாத்திரைகளை எங்கிருந்து கொண்டு வந்தாா், யாருக்கு விற்பனை செய்வதற்காக எடுத்துச் சென்றாா். இதில் வேறு யாருக்கேனும் தொடா்பு உள்ளதா என்பது குறித்து போலீஸாா் விசாரித்து வருகின்றனா்.