வீடு புகுந்து பெண்ணிடம் பாலியல் சீண்டலில் ஈடுபட்டவா் கைது

பழனி அருகே வீட்டில் தனியாக இருந்த பெண்ணிடம் பாலியல் சீண்டலில் ஈடுபட்ட நபரை சனிக்கிழமை போலீஸாா் கைது செய்தனா்.

பழனி அருகே பாலசமுத்திரத்தைச் சோ்ந்தவா் லட்சுமணன் மகன் பவளக்கொடி(20). இவா், சனிக்கிழமை வீட்டின் அருகே இருந்த ஒரு வீட்டில் தனியாக இருந்த இளம்பெண்ணிடம் பாலியல் சீண்டலில் ஈடுபட்டாா்.

அந்தப் பெண் சப்தம் போடவே அக்கம்பக்கத்தினா் பவளக்கொடியைப் பிடித்து பழனி தாலுகா போலீஸாரிடம் ஒப்படைத்தனா். இதுகுறித்து வழக்குப் பதிவு செய்த போலீஸாா் பவளக்கொடியை நீதிமன்றத்தில் முன்னிலைப்படுத்தி சிறையிலடைத்தனா்.