அக்.30-இல் காந்திகிராம பல்கலை. பட்டமளிப்பு விழா: குடியரசு துணைத் தலைவா் பங்கேற்பு

காந்திகிராம கிராமியப் பல்கலை.யில் வருகிற 30-ஆம் தேதி நடைபெறவுள்ள 39-ஆவது பட்டமளிப்பு விழாவில் குடியரசு துணைத் தலைவா் சி.பி.ராதாகிருஷ்ணன் பங்கேற்று பட்டங்களை வழங்கவுள்ளாா்.

இதுதொடா்பாக பல்கலை. துணைவேந்தா் ந. பஞ்சநதம் திங்கள்கிழமை வெளியிட்ட செய்திக் குறிப்பு:

காந்திகிராம கிராமிய நிகா்நிலைப் பல்கலைக்கழகத்தின் 39-ஆவது பட்டமளிப்பு விழா, பொன் விழா ஆண்டு கொண்டாட்டம் வருகிற 30, 31 ஆகிய இரு நாள்கள் நடைபெற உள்ளன. இந்த விழாவில் குடியரசு துணைத் தலைவா் சி.பி. ராதாகிருஷ்ணன் சிறப்பு விருந்தினராகக் கலந்து கொண்டு, மாணவா்களுக்குப் பட்டங்களையும், தங்கப் பதக்கங்களையும் வழங்கி விழாப் பேருரை ஆற்றுகிறாா்.

இந்த விழாவுக்கு பல்கலை. வேந்தா் கே.எம். அண்ணாமலை தலைமை வகிக்கிறாா். இதில் முனைவா் பட்டம், முதுநிலை, இளநிலை, பட்டயப்படிப்பு என 1,400 போ் பட்டம் பெறுகின்றனா். இதைத் தொடா்ந்து நடைபெறும் பொன்விழாக் கொண்டாட்டம் தொடா்பான பல்வேறு அமா்வுகள் நடைபெற உள்ளன.

இதில் தவத்திரு பொன்னம்பல அடிகளாா், பேராசிரியா் கு. ஞானசம்பந்தன், திரைப்பட இயக்குநா் கஸ்தூரிராஜா, முன்னாள் துணைவேந்தா்கள் கிருஷ்ணன், முத்துச்செழியன், பட்டிமன்றப் பேச்சாளா் ராஜா ஆகியோா் சிறப்புரை ஆற்றுகின்றனா். இரு நாள்கள் நடைபெறும் இந்த விழாவில் தமிழக ஆளுநா், மத்திய, மாநில அமைச்சா்கள், பேராசிரியா்கள், அலுவலா்கள், மாணவா்கள், பெற்றோா்கள் என 6 ஆயிரம் போ் கலந்துகொள்கின்றனா்.

பல்கலைக்கழத்தில் பணியாற்றிய பேராசிரியா்கள், அலுவலா்கள், காந்திகிராம அறக்கட்டளைப் பணியாளா்கள், விவசாயிகள் கௌரவிக்கப்பட உள்ளனா். பல்கலைக்கழக இணையதளத்தில் நிகழ்வுகள் பதிவேற்றம் செய்யப்பட்டுள்ளன என்றாா் அவா்.

‘ட்ரோன்கள்’ பறக்கத் தடை: காந்திகிராம கிராமிய நிகா்நிலைப் பல்கலைக் கழகத்தில் நடைபெறும் பட்டமளிப்பு விழாவில் பங்கேற்க குடியரசு துணைத் தலைவா் சி.பி.ராதாகிருஷ்ணன் வருகிறாா். மதுரையிலிருந்து ஹெலிகாப்டா் மூலம் குடியரசு துணைத் தலைவா் வந்து செல்கிறாா். இதையொட்டி,

வருகிற 30-ஆம் தேதி காலை 6 மணி முதல் குடியரசு துணைத் தலைவா் பல்கலை. வளாகத்திலிருந்து திரும்பிச் செல்லும் வரை திண்டுக்கல் மாவட்டத்தில் ட்ரோன்கள், ஆளில்லா வான்வழி வாகனங்கள் பறக்கத் தடை விதிக்கப்படுகிறது என மாவட்ட ஆட்சியா் துா்கா அறிவித்தாா்.