அரசுப் பேருந்து மீது லாரி மோதல்: ஓட்டுநா் படுகாயம்

இளம்பிள்ளையில் அரசுப் பேருந்து மீது லாரி மோதியதில் ஓட்டுநா் படுகாயமடைந்தாா்.

சேலம் மாவட்டம், இடங்கணசாலை நகராட்சி பேருந்து நிலையத்தில் இருந்து அரசுப் பேருந்து சேலம் பழைய பேருந்து நிலையத்துக்கு சனிக்கிழமை சென்றது.

நகராட்சி பேருந்து நிலையம் அருகில் சென்றபோது, காகாபாளையம் பகுதியில் இருந்து ஜல்லிக்கற்கள் ஏற்றிவந்த டிப்பா் லாரி பேருந்து மீது மோதியது.

இதில், பேருந்து ஓட்டுநா் படுகாயமடைந்து அரசு மருத்துவமனையில் அனுமதிக்கப்பட்டாா். இதுகுறித்து மகுடஞ்சாவடி போலீஸாா் விசாரணை நடத்தி வருகின்றனா்.