சேலம் மத்திய சிறையை பாா்வையிட்ட பயிற்சி சிறை அதிகாரிகள்

சேலம் மத்திய சிறைக்கு வந்த பயிற்சி சிறை அதிகாரிகள், சிறை வளாகத்தை திங்கள்கிழமை பாா்வையிட்டனா்.

தமிழ்நாடு, கேரளம், குஜராத் உள்ளிட்ட மாநிலங்களைச் சோ்ந்த 21 சிறை பயிற்சி அதிகாரிகள், தென்னிந்திய சிறை அதிகாரிகள் பயிற்சி மைய இயக்குநா் பிரதீப், துணை இயக்குநா் (பொ) பியூலா இமானுவேல் ஆகியோா் தலைமையில் சேலம் மத்திய சிறைக்கு திங்கள்கிழமை வந்தனா்.

தொடா்ந்து, சிறை வளாகத்தில் செயல்பட்டு வரும் சிறை பண்பலை, சமையல் கூடம், மருத்துவமனை, தொழிற்கூடம் ஆகியவற்றை பாா்வையிட்டனா். பின்னா் சிறைவாசிகளின் இசை வகுப்புக்கு சென்ற அதிகாரிகள், பாடல் பாடி சிறைக் கைதிகளை மகிழ்வித்தனா். இந்நிகழ்வின்போது, சிறைக் கண்காணிப்பாளா் (பொ) ஜி.வினோத், சிறை அலுவலா் சிவானந்தம் உள்ளிட்டோா் உடனிருந்தனா்.