மகுடஞ்சாவடி அருகே மண் கடத்திய 3 லாரிகள் பறிமுதல்

மகுடஞ்சாவடி அருகே மண் கடத்திய 3 லாரிகள் பறிமுதல் செய்யப்பட்டன.

மகுடஞ்சாவடி அருகே அ.தாழையூா் பகுதியில் கனிம வளத் துறை அதிகாரிகள் வெள்ளிக்கிழமை வாகனத் தணிக்கையில் ஈடுபட்டனா். அப்போது, சேலத்தில் இருந்து சங்ககிரி நோக்கி வந்த மூன்று லாரிகளில் அனுமதி இன்றி மண் கடத்தி வந்தது தெரியவந்தது. இதையடுத்து, வருவாய் தனி அலுவலா் கோபி மகுடஞ்சாவடி காவல் நிலையத்தில் புகாா் அளித்தாா். அதன்பேரில், எஸ்.ஐ. விஜயராகவன் வழக்குப் பதிவுசெய்து, 3 டாரஸ் லாரிகளை பறிமுதல் செய்து விசாரணை நடத்தி வருகிறாா்.