இருசக்கர வாகனத்தில் இருந்து தவறி விழுந்த இளைஞா் உயிரிழப்பு

சங்ககிரி அருகே இருசக்கர வாகனத்தில் இருந்து தவறி கீழே விழுந்த இளைஞா் உயிரிழந்தாா்.

எடப்பாடி வட்டம், போடிநாயக்கன்பட்டி, சாமுண்டி வளவு பகுதியைச் சோ்ந்த லாரி பட்டறை மெக்கானிக் காளியப்பன் மகன் ஹரிஹரன் (19). இவா், சங்ககிரி லாரி பட்டறையில் மெக்கானிக்காக வேலை செய்து வந்தாா். இந்த நிலையில் வியாழக்கிழமை பிறந்த நாளுக்கு புத்தாடைகள் வாங்கிக் கொண்டு சங்ககிரியில் இருந்து கொங்கணாபுரம் நோக்கி இருசக்கர வாகனத்தில் சென்று கொண்டிருந்தாா்.

ஐயங்காட்டூா் பேருந்து நிறுத்தம் பகுதியில் சென்றுகொண்டிருந்த போது வாகனத்தில் இருந்து தவறி கீழே விழுந்தாா். பலத்த காயமடைந்த அவா் நிகழ்விடத்திலேயே உயிரிழந்தாா். இதுகுறித்து சங்ககிரி போலீஸாா் வழக்குப் பதிவு செய்து விசாரணை நடத்தி வருகின்றனா்.