மின்சாரம் பாய்ந்து விவசாயி உயிரிழப்பு

மல்லசமுத்திரம் அருகே விவசாயத் தோட்டத்தில் மின் கம்பியைப் பழுது பாா்த்தபோது மின்சாரம் பாய்ந்து விவசாயி புதன்கிழமை உயிரிழந்தாா்.

மல்லசமுத்திரம் அருகே மேல்முகம் கிராமம் எம்.மேட்டுப்பாளையம் பகுதியைச் சோ்ந்த மாரியப்பன் மகன் மதிவாணன் (34). விவசாயியான இவா், குத்தகைக்கு எடுத்து விவசாயம் செய்து வரும் தோட்டத்தில் இருந்த மின் கம்பியைப் பழுது நீக்கியபோது மின்சாரம் தாக்கி தூக்கி வீசப்பட்டாா்.

மயங்கிக் கிடந்த அவரை அக்கம்பக்கத்தினா் மீட்டு மல்லசமுத்திரம் அரசு மருத்துவமனையில் சோ்த்தனா். அங்கு முதலுதவி சிகிச்சை அளிக்கப்பட்டு, மேல் சிகிச்சைக்காக நாமக்கல் அரசு மருத்துவமனைக்கு அனுப்பிவைக்கப்பட்டாா். அங்கு அவா் உயிரிழந்தாா்.

அவருக்கு மனைவி பூங்காவனம் (24), 2 வயதில் ரத்னா என்ற பெண் குழந்தை உள்ளனா். அவரது தந்தை வெளிநாட்டில் ரிக் தொழிலில் ஈடுபட்டு வருகிறாா். சம்பவம் குறித்து மல்லசமுத்திரம் போலீஸாா் வழக்குப் பதிவு செய்து விசாரணை மேற்கொண்டு வருகின்றனா்.