வாக்காளா் பட்டியல் சிறப்பு முகாம்: 18,828 படிவங்கள் சமா்ப்பிப்பு

நாமக்கல்: நாமக்கல் மாவட்டத்தில் சனி, ஞாயிற்றுக்கிழமைகளில் நடைபெற்ற வாக்காளா் பட்டியல் சிறப்பு முகாம்களில் மொத்தம் 18, 828 படிவங்கள் சமா்ப்பிக்கப்பட்டுள்ளன.

நாமக்கல் மாவட்டத்தில், ராசிபுரம், சேந்தமங்கலம் (ப.கு), நாமக்கல், பரமத்திவேலூா், திருச்செங்கோடு, மற்றும் குமாரபாளையம் ஆகிய 6 தொகுதிகள் உள்ளன.

கடந்த மாதம் 29-இல் வெளியிடப்பட்ட வரைவு வாக்காளா் பட்டியலின்படி மாவட்டத்தில் மொத்தம் 7,01,538 ஆண் வாக்காளா்கள், 7,47,234 பெண் வாக்காளா்கள், 246 மற்றவா்கள் என 14,49,018 வாக்காளா்கள் உள்ளனா்.

இந்திய தோ்தல் ஆணையத்தின் உத்தரவின்படி-2025 ம் ஆண்டிற்கான வரைவு வாக்காளா் பட்டியல் சிறப்பு சுருக்கமுறை திருத்தம், மாவட்டம் முழுவதும் உள்ள 1,624 வாக்குச் சாவடிகளில் சனி, ஞாயிற்றுக்கிழமைகளில் நடைபெற்றன. இதில், 18, 19 வயதுக்குட்பட்டோா் பெயா் சோ்த்தலுக்காக படிவம் 6-ஐ 4,521 பேரும், 20 வயதுக்குட்பட்டோா் 3,365 பேரும் என மொத்தம் 7,886 போ் பெயா் சோ்த்தலுக்கான படிவங்களை வழங்கி உள்ளனா்.

பெயா் நீக்கல், ஒரே பெயா் இரண்டு இடங்களில் உள்ளதை நீக்குதல், இட மாறுதலுக்கான படிவம் -7 படிவத்தை 4,698 போ் வழங்கி இருந்தனா். மேலும், தொகுதி மாற்றம், முகவரி மாற்றம் ஆகியவற்றுக்கான படிவம் 8-ஐ 6,241 போ் வழங்கியுள்ளனா். தொகுதி வாரியாக பெறப்பட்ட படிவங்கள் எண்ணிக்கை விவரம்:

ராசிபுரம்-2,941, சேந்தமங்கலம்-3,050, நாமக்கல்-3,234, பரமத்திவேலூா்-2,557, திருச்செங்கோடு-2,220, குமாரபாளையம்-4,826, மொத்தம்-18,828. சனிக்கிழமை நடைபெற்ற சிறப்பு முகாமில் மொத்தம் 6,029 படிவங்கள் பெறப்பட்டன. ஞாயிற்றுக்கிழமை நடைபெற்ற முகாமில் 12,799 படிவங்கள் பொதுமக்களால் வழங்கப்பட்டுள்ளதாக தோ்தல் அதிகாரிகள் தெரிவித்தனா்.