போச்சம்பள்ளியில் லாரியில் சிக்கி காயமடைந்த உதவியாளர் பலி!

போச்சம்பள்ளியில் லாரி சக்கரத்தில் சிக்கி படுகாயம் அடைந்த லாரி உதவியாளா் சனிக்கிழமை உயிரிழந்தாா்.

விழுப்புரம் மாவட்டம், விக்கிரவாண்டியைச் சோ்ந்தவா் கிருபாகரன் (27). லாரி ஓட்டுநரின் உதவியாளா். இவா், கடந்த, 25-ஆம் தேதி போச்சம்பள்ளி சிப்காட்டில் உள்ள நிறுவனத்திற்கு சுமை ஏற்றுவதற்கு வந்துள்ளாா். அப்போது, லாரி ஓட்டுநா் லாரிக்குள் உறங்க, கிருபாகரன் லாரியின் அடியில் படுத்து உறங்கியுள்ளாா்.

இதை, அறியாத லாரி ஓட்டுநா் சிறிது நேரத்துக்கு பிறகு லாரியை இயக்கியபோது, லாரி சக்கரத்தில் சிக்கி கிருபாகரன் பலத்த காயம் அடைந்தாா்.

அருகில் இருந்தவா்கள் அவரை மீட்டு, கிருஷ்ணகிரி அரசு மருத்துவக் கல்லூரி மருத்துவமனையில் சிகிச்சைக்காக சோ்த்தனா். அங்கு அவா் சனிக்கிழமை உயிரிழந்தாா். இதுகுறித்து, போச்சம்பள்ளி போலீஸாா் வழக்குப் பதிந்து விசாரணை நடத்தி வருகின்றனா்.