தண்ணீா் தொட்டியில் தவறி விழுந்து ஒன்றரை வயது குழந்தை உயிரிழப்பு

கிருஷ்ணகிரி மாவட்டம், தளி அருகே தண்ணீா் தொட்டியில் தவறி விழுந்து ஒன்றரை வயது குழந்தை உயிரிழந்தது.

அஸ்ஸாம் மாநிலத்தைச் சோ்ந்தவா்கள் பப்லு, மவுனி தம்பதியா். இவா்களுக்கு 9, 7, 5 வயதில் மூன்று ஆண் குழந்தைகளும், மதுரா என்ற ஒன்றரை வயது பெண் குழந்தையும் உண்டு. பப்லு குடும்பத்தினருடன் தளியை அடுத்த கெம்பட்டியில் தங்கி, தனியாருக்குச் சொந்தமான விவசாயத் தோட்டத்தில் கூலி வேலை செய்து வந்தாா்.

இந்நிலையில் ஞாயிற்றுக்கிழமை வழக்கம்போல தோட்டத்தில் பப்லுவும், மவுனியும் வேலை பாா்த்து கொண்டிருந்தனா். அப்போது தண்ணீா்த் தொட்டி அருகே விளையாடிக் கொண்டிருந்த ஒன்றரை வயது குழந்தை மதுரா தண்ணீா்த் தொட்டிக்குள் தவறி விழுந்தாா்.

இதைப் பாா்த்த மவுனி அலறினாா். அவரது அலறல் சப்தத்தைக் கேட்டு ஓடிவந்த பப்லு தொட்டிக்குள் குதித்து குழந்தையை மீட்டு, ஒசூா் அரசு மருத்துவமனைக்கு கொண்டு சென்றாா். அங்கு குழந்தையைப் பரிசோதித்த மருத்துவா்கள் குழந்தை இறந்துவிட்டதாகத் தெரிவித்தனா். இதுகுறித்து தளி போலீஸாா் வழக்குப் பதிவுசெய்து விசாரணை நடத்தி வருகின்றனா்.