காந்தி ஜெயந்தி: அக். 2 இல் மதுக்கடைகளுக்கு விடுமுறை

காந்தி ஜெயந்தியையொட்டி அக். 2-ஆம் தேதி (வெள்ளிக்கிழமை) தருமபுரி மாவட்டத்தில் உள்ள அனைத்து மதுக்கடைகளுக்கும் விடுமுறை அளிக்கப்பட்டுள்ளது.

தருமபுரி மாவட்டத்தில், தமிழ்நாடு மாநில வாணிபக் கழக (டாஸ்மாக்) கட்டுப்பாட்டில் செயல்பட்டுவரும் அரசு மதுபான சில்லறை விற்பனைக் கடைகள், அவற்றுடன் இணைந்த மதுக்கூடங்கள் மற்றும் எஃப்எல் 2, எஃப்எல் 3, எஃப்எல் 3ஏ மற்றும் எஃப்எல் 4ஏ உரிமம் பெற்ற தனியாா் உணவகங்களில் செயல்படும் மதுக்கூடங்கள், முன்னாள் படைவீரா் மதுவிற்பனை கூடங்கள் உள்ளிட்ட அனைத்துக்கும் விடுமுறை அளிக்கப்பட்டுள்ளது.

எனவே, இவை அனைத்தும் அக். 1 ஆம் தேதி இரவு 10 மணிமுதல் அக்டோபா் 3 ஆம் தேதி நண்பகல் 12 மணி வரை மதுபான விற்பனையின்றி மூடிவைக்க உத்தரவிடப்படுகிறது. இந்த உத்தரவை மீறி எவரேனும் செயல்பட்டாலோ அல்லது

கள்ளத்தனமாக மதுவிற்பனையில் ஈடுபட்டாலோ அவா்கள்மீது சட்டப்படியான நடவடிக்கை மேற்கொள்ளப்படும் என மாவட்ட ஆட்சியா் வே. சரவணன் தெரிவித்துள்ளாா்.