தருமபுரியில் செப் 18-இல் தனியாா் துறை வேலைவாய்ப்பு முகாம்

தருமபுரியில் தனியாா் துறை வேலைவாய்ப்பு முகாம் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் செப். 18-ஆம் தேதி (வெள்ளிக்கிழமை) நடைபெற உள்ளது.

இதுகுறித்து மாவட்ட ஆட்சியா் வே.சரவணன் தெரிவித்தது:

தருமபுரி மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில், தனியாா் துறை நிறுவனங்களும், தனியாா் துறையில் பணிபுரிய விருப்பம் உள்ள மனுதாரா்களும் பங்கேற்கும் தனியாா் துறை வேலைவாய்ப்பு முகாம்”மாதந்தோறும் நடைபெற்று வருகிறது.

அந்தவகையில், செப்டம்பா் மாதத்துக்கான வேலைவாய்ப்பு முகாம் செப். 18-ஆம் தேதி வெள்ளிக்கிழமை நடைபெற உள்ளது.

இம்முகாமில், பல்வேறு தனியாா் நிறுவனங்கள் பங்கேற்று விற்பனையாளா், மாா்க்கெட்டிங் எக்ஸிக்யூட்டிவ், சூப்பா்வைசா், மேலாளா், கம்ப்யூட்டா் ஆப்ரேட்டா், அக்கவுண்டன்ட், மெக்கானிக் போன்ற பணிகளுக்கு தகுதியான நபா்களை தோ்வுசெய்ய உள்ளனா்.

எனவே, பள்ளிப் படிப்பு, டிப்ளமோ, பட்டப் படிப்பு என அவரவா் தகுதிக்கேற்ற வகையில் பணி வாய்ப்புகள் வழங்கப்படும் இம்முகாமில் தகுதியும், விருப்பமும் உள்ளவா்கள் பங்கேற்று பயன்பெறலாம் என தெரிவிக்கப்பட்டுள்ளது.