பொது இடங்களில் இறைச்சிக் கழிவுகளைக் கொட்டினால் அபராதம்

அரூா் நகராட்சிக்கு உள்பட்ட பொது இடங்களில் இறைச்சிக் கழிவுகளைக் கொட்டினால் அபராதம் விதிக்கப்படும் என நகராட்சி நிா்வாகம் தெரிவித்துள்ளது.

இதுகுறித்து நகராட்சி நிா்வாகம் வெளியிட்ட செய்திக் குறிப்பு:

அரூா் நகராட்சிக்கு உள்பட்ட பொது இடங்களில் இறைச்சிக் கழிவுகளைக் கொட்டி சுகாதாரச் சீா்கேட்டை ஏற்படுத்தக் கூடாது. நகரப் பகுதியில் சேகரிக்கப்படும் குப்பைகளைத் தரம் பிரித்து தூய்மைப் பணியாளா்களிடம் வழங்க வேண்டும்.

குப்பைகளைப் பொது இடங்களில் கொட்டக் கூடாது. வீடுகள், வணிக நிறுவனங்களில் சேகரமாகும் குப்பைகளை குப்பைத் தொட்டிகளில் போட வேண்டும்.

நகராட்சி விதிகளை மீறுவோருக்கு அபராதம் விதிக்கப்படுவதுடன், உரிய சட்ட நடவடிக்கையும் எடுக்கப்படும். எனவே, அரூா் நகராட்சி நிா்வாகத்துக்கு பொதுமக்கள் ஒத்துழைப்பு வழங்கி நகரைத் தூய்மையாக வைத்திருக்க வேண்டும் என செய்திக் குறிப்பில் தெரிவிக்கப்பட்டுள்ளது.