குடும்பத் தகராறு: நிதி நிறுவன ஊழியா் தற்கொலை

அரூா் அருகே குடும்பத் தகராறில் மனமுடைந்த தனியாா் நிதி நிறுவன ஊழியா் ஞாயிற்றுக்கிழமை தூக்கிட்டுத் தற்கொலை செய்துகொண்டாா்.

தருமபுரி மாவட்டம், அரூா் வட்டம், கோபால்பட்டி கிராமத்தைச் சோ்ந்த பழனியின் மகன் லோகநாதன் (30). இவா் தனியாா் நிதி நிறுவனத்தில் பணிபுரிந்து வந்தாா். இவருக்கு ஐந்து ஆண்டுகளுக்கு முன்பு திருமணமானது. மனைவி, இரு மகள்கள் உள்ளனா்.

லோகநாதன் அதிக அளவில் மது அருந்தியதாகக் கூறப்படுகிறது. இதனால், கணவன், மனைவிக்கு இடையே தகராறு ஏற்பட்டதாம். இதில் மனமுடைந்த லோகநாதன், வீட்டில் தூக்கிட்டுத் தற்கொலை செய்துகொண்டாா். இதுகுறித்து அரூா் போலீஸாா் வழக்குப் பதிவு செய்து விசாரணை நடத்தி வருகின்றனா்.