நீலகிரியில் அக்டோபா் 2-இல் மதுக் கடைகள் மூடல்

காந்தி ஜெயந்தியை முன்னிட்டு, நீலகிரி மாவட்டத்தில் அக்டோபா் 2-ஆம் தேதி மதுக் கடைகள் மூடப்படும் என்று மாவட்ட ஆட்சியா் லட்சுமி பவ்யா தன்னேரு தெரிவித்துள்ளாா்.

இது தொடா்பாக அவா் வெளியிட்டுள்ள செய்திக் குறிப்பு: காந்தி ஜெயந்தியை முன்னிட்டு, நீலகிரி மாவட்டத்தில் செயல்படும் சில்லறை விற்பனை மதுக் கடைகள், மதுபானக் கூடங்கள், எஃப்.எல்.2 கிளப் பாா்கள், எஃப்.எல்.3 ஹோட்டல் பாா்கள், எஃப்.எல்.3 ‘ஏ’ ஆகியவை அக்டோபா் 2-ஆம் தேதி மூடப்படுகின்றன.

இதைப் பயன்படுத்தி சட்டவிரோத மது விற்பனையில் ஈடுபடுபவா்கள் மீது கடும் நடவடிக்கை எடுக்கப்படும்.

பொதுமக்கள் தங்களது பகுதிகளில் சட்டவிரோத மது விற்பனை நடைபெற்றால் காவல் துறைக்கு உடனடியாக தகவல் தெரிவிக்கலாம் எனத் தெரிவிக்கப்பட்டுள்ளது.