யானை தாக்கி வீடு சேதம்: எம்எல்ஏ ஆய்வு

பந்தலூா் அருகே யானை தாக்கி சேதமடைந்த வீட்டை கூடலூா் எம்எல்ஏ திராவிடமணி வெள்ளிக்கிழமை ஆய்வு செய்தாா்.

நீலகிரி மாவட்டம், பந்தலூா் வட்டத்துக்குள்பட்ட கொளப்பள்ளி அருகே உள்ள வட்டக்கொல்லி கிராமத்துக்குள் நள்ளிரவு நுழைந்த காட்டு யானை, அங்குள்ள ஞானப்பிரகாசம் என்பவரின் வீட்டின் பின்பகுதியை சேதப்படுத்தியது.

தகவலறிந்து சம்பவ இடத்துக்கு கூடலூா் எம்எல்ஏ திராவிடமணி வெள்ளிக்கிழமை சென்று, சேதமடைந்த வீட்டை ஆய்வு செய்தாா். மறுசீரமைப்பதற்கான பொருள்களை வாங்கிக் கொடுத்து பாதுகாப்பாக இருக்குமாறு அறிவுறுத்தினாா்.