கூடலூா் அருகே குடியிருப்பு பகுதியில் உலவிய யானை!

கூடலூா் அருகே குடியிருப்பு பகுதிக்குள் சனிக்கிழமை காலை காட்டு யானை உலவியதால் பொதுமக்கள் அச்சமடைந்தனா்.

நீலகிரி மாவட்டம், கூடலூா் நகராட்சிக்குள்பட்டது புத்தூா்வயல். இங்குள்ள விமலகிரி பகுதிக்குள் சனிக்கிழமை காலை நுழைந்த யானை, தென்னை, வாழை உள்ளிட்ட பயிா்களை தின்றுவிட்டு குடியிருப்பு பகுதிகளுக்கு நடுவே உலவியது.

தகவலின்பேரில் வன ஊழியா்கள் விரைந்து சென்று அருகில் உள்ள வனப் பகுதிக்குள் யானையை விரட்டினா். அதன் பின்னரே பொதுமக்கள் வெளியே நடமாடத் தொடங்கினா்.