கொடுமுடி அருகே கபடி போட்டி! 60 அணிகள் பங்கேற்பு!

கொடுமுடி அருகே காசிபாளையத்தில் நடைபெற்ற மாநில அளவிலான கபடி போட்டியில் பல்வேறு மாவட்டங்களைச் சோ்ந்த 60 அணிகள் பங்கேற்றன.

ஈரோடு மாவட்டம், கொடுமுடியை அடுத்த காசிபாளையத்தில் 50 ஆண்டுகளாக பல்வேறு மாவட்டங்களைச் சோ்ந்த கபடி விளையாட்டு அணிகள் கலந்துகொள்ளும் போட்டிகள், அதே ஊரைச் சோ்ந்த உதயநிலா விளையாட்டுக் கழகத்தினரால் நடத்தப்பட்டு வருகிறது.

தொடா்ந்து 50-ஆவது ஆண்டாக ஞாயிற்றுக்கிழமை பகலிரவு ஆட்டமாக நடந்த கபடி போட்டியில் திருச்சி, நாமக்கல், கரூா், திருப்பூா், ஈரோடு உள்பட பல்வேறு மாவட்டங்களைச் சோ்ந்த 60 கபடி அணிகள் பங்கேற்று விளையாடின.