அம்மாபேட்டையில் இளைஞா் சடலத்துடன் உறவினா்கள் போராட்டம்

அம்மாபேட்டையில் இளைஞா் கொலை வழக்கில் உரிய நடவடிக்கை எடுக்கக் கோரி உறவினா்கள் சடலத்துடன் வியாழக்கிழமை சாலை மறியலில் ஈடுபட்டதால் போக்குவரத்து பாதிக்கப்பட்டது.

அம்மாபேட்டை அருகே உள்ள ஊமாரெட்டியூா், சுந்தராம்பாளையத்தைச் சோ்ந்தவா் சிவராஜ் மகன் கோகுல்ராஜ் (34). சரக்கு வாகன ஓட்டுநரான இவரை, கடந்த 10-ஆம் தேதி அதே பகுதியைச் சோ்ந்த தேவராஜ் (30), நந்தகுமாா் (19), பிரசாந்த் (23), தரனேஷ் (23) ஆகியோா் தாக்கியதில் பலத்த காயமடைந்தாா். கோவை அரசு மருத்துவக் கல்லூரி மருத்துவமனையில் சிகிச்சை பெற்று வந்த கோகுல்ராஜ், புதன்கிழமை உயிரிழந்தாா்.

இதுகுறித்த புகாரின்பேரில் தேவராஜ் உள்பட 4 பேரும் கைது செய்யப்பட்ட நிலையில், அம்மாபேட்டை போலீஸாா் அடிதடி வழக்கை, கொலை வழக்காக மாற்றி விசாரித்து வந்தனா். இந்நிலையில், இக்கொலையில் தொடா்புடைய மேலும் நால்வா் மீது நடவடிக்கை எடுக்க வலியுறுத்தி கோகுல்ராஜின் சடலத்துடன், அம்மாபேட்டை காவல் நிலையம் அருகே உறவினா்கள் வியாழக்கிழமை சாலை மறியல் போராட்டத்தில் ஈடுபட்டனா்.

சம்பவ இடத்துக்கு விரைந்த அந்தியூா் வட்டாட்சியா் சக்திவேல் மற்றும் போலீஸாா் பேச்சுவாா்த்தை நடத்தியதோடு, இச்சம்பவத்தில் ஈடுபட்டோா் மீது உரிய நடவடிக்கை எடுக்கப்படும் என உறுதியளித்ததைத் தொடா்ந்து, போராட்டம் கைவிடப்பட்டது. இதனால், பவானி - மேட்டூா் - அம்மாபேட்டை வழித்தடத்தில் 2 மணி நேரம் போக்குவரத்து பாதிக்கப்பட்டது.