சத்தியமங்கலம் அருகே கோ்மாளம் மலைப் பகுதியில் கூலித் தொழிலாளியை அடித்துக் கொலை செய்து குழி தோண்டி புதைத்த சம்பவம் பரபரப்பை ஏற்படுத்தி உள்ளது.

ஈரோடு மாவட்டம், ஆசனூா் காவல் நிலைய எல்லைக்கு உள்பட்ட கோ்மாளம் மலைப் பகுதி சிக்குன்சேபாளையம் கிராமத்தில் உள்ள ஈரோட்டைச் சோ்ந்த செங்குட்டுவன் என்பவருக்கு சொந்தமான விவசாய நிலத்தில் மலைக் கிராமத்தைச் சோ்ந்த சிலா் கால்நடைகளை மேய்த்துக் கொண்டிருந்தபோது அப்பகுதியில் துா்நாற்றம் வீசியுள்ளது.

மேலும், விளைநிலத்தின் ஒரு பகுதியில் குழி தோண்டப்பட்டு மண்ணால் மூடப்பட்டு இருந்ததைக் கண்டு திங்களூா் (ஆ) கிராமத்தில் பணிபுரியும் விஏஓ சுபாஷ்குமாருக்கு அவா்கள் தகவல் தெரிவித்தனா்.

இதைத் தொடா்ந்து, ஆசனூா் காவல் நிலையத்தில் இது தொடா்பாக சுபாஷ்குமாா் புகாா் அளித்தாா். இந்த நிலையில் சத்தியமங்கலம் வட்டாட்சியா் ஜமுனா ராணி, டிஎஸ்பி முத்தரசு ஆகியோா் முன்னிலையில் பெருந்துறை அரசு மருத்துவக் கல்லூரி மருத்துவா் நந்தகுமாா் தலைமையிலான மருத்துவக் குழுவினா் சம்பவ இடத்தில் திங்கள்கிழமை குழி தோண்டி பாா்த்தபோது அழுகிய நிலையில் சுமாா் 40 முதல் 45 வயது மதிக்கத்தக்க ஆண் சடலம் இருந்தது தெரியவந்தது. உடற்கூறாய்வு செய்தபோது, தலையில் பலமாகத் தாக்கி இருந்தது தெரியவந்தது.

இதைத் தொடா்ந்து, டிஎஸ்பி முத்தரசு, தாளவாடி காவல் ஆய்வாளா் ஆனந்த், ஆசனூா் எஸ்ஐ குமணவேந்தன் ஆகியோா் கொண்ட தனிப்படை அமைக்கப்பட்டு விசாரணை மேற்கொண்டதில், அடித்துக் கொலை செய்து புதைக்கப்பட்ட நபா் கோபி ல.கள்ளிப்பட்டியைச் சோ்ந்த செல்வம் என்பதும், கூலித் தொழிலாளியான இவா் கடந்த சில மாதங்களாக கோ்மாளம் மலைப் பகுதியில் கிடைத்த வேலையை செய்து கொண்டு மது அருந்திவிட்டு சுற்றித் திரிந்ததும் தெரியவந்தது.

கொலை செய்யப்பட்ட செல்வத்திற்கு திருமணம் ஆகவில்லை. இவரது உடன்பிறந்த சகோதரி கவுந்தப்பாடியில் வசித்துவருகிறாா்.

இந்தக் கொலை நடந்து 10 முதல் 15 நாள்கள் இருக்கும் என போலீஸாா் தெரிவித்தனா். கோ்மாளம் மலைப் பகுதியைச் சோ்ந்த இவரது நண்பா்கள் மூன்று போ் மது போதையில் ஏற்பட்ட தகராறில் அடித்துக் கொலை செய்து புதைத்திருக்கலாம் என்ற கோணத்தில் போலீஸாா் மூன்று பேரைப் பிடித்து விசாரணை மேற்கொண்டு வருகின்றனா்.