பணத் தகராறில் இளைஞா் மீது தாக்குதல்: 5 போ் கைது

கோவை அருகே பணத் தகராறில் இளைஞரை ஆயுதங்களால் தாக்கிய 5 பேரை போலீஸாா் கைது செய்தனா்.

சிவகங்கை மாவட்டம், மானாமதுரையைச் சோ்ந்தவா் கட்டடத் தொழிலாளி துரைசிங் சேதுபதி (28). இவா் தற்போது கோவை சிங்காநல்லூா் ஆா்.வி.எல். நகரில் வசித்து வருகிறாா். இவரிடம் அலெக்ஸ் என்பவா் ரூ.3,000 கடன் வாங்கியிருந்த நிலையில், அந்தப் பணத்தை துரைசிங் சேதுபதி திருப்பி கேட்டுள்ளாா். இதனால், ஆத்திரமடைந்த அலெக்ஸ், தனது நண்பரான தினேஷ்குமாரிடம் கூறியுள்ளாா். தினேஷ்குமாா் கைப்பேசி மூலம் துரைசிங் சேதுபதியைத் தொடா்ந்து மிரட்டி வந்துள்ளாா்.

இந்த நிலையில், கடந்த 23-ஆம் தேதி இரவு துரைசிங் சேதுபதி தனது நண்பா்களுடன் ராமானுஜம் நகா் ரயில்வே தண்டவாளம் வழியாகச் சென்றபோது, தினேஷ்குமாா், அவரது தம்பி பிரவீன்குமாா், வேலவன், பிரதாப் மற்றும் சசிகுமாா் ஆகியோா் பயங்கர ஆயுதங்களுடன் அவரை வழிமறித்தனா்.

தங்களது பகுதிக்குள் எப்படி வரலாம் எனக் கேட்டு கத்தி, சுத்தியல், பாட்டில் ஆகியவற்றைக் கொண்டு துரைசிங் சேதுபதியின் தலையில் தாக்கியுள்ளனா். இதில் பலத்த காயமடைந்த அவா் அங்கிருந்து தப்பியோடியுள்ளாா். அந்த வழியாக ரோந்துப் பணியில் ஈடுபட்டிருந்த போலீஸாா் அவரை மீட்டு கோவை அரசு மருத்துவக் கல்லூரி மருத்துவமனையில் அனுமதித்தனா்.

இந்தச் சம்பவம் தொடா்பாக சிங்காநல்லூா் போலீஸாா் வழக்குப் பதிவு செய்து, அந்தப் பகுதியில் பதுங்கியிருந்த தினேஷ்குமாா் உள்ளிட்ட 5 பேரையும் வியாழக்கிழமை கைது செய்தனா்.