அரிசி மூட்டைகள் ஏற்றி வந்த லாரி கவிழ்ந்து விபத்து

வால்பாறையில் அரிசி மூட்டைகள் ஏற்றி வந்த லாரி கவிழ்ந்து விபத்துக்குள்ளானதில் ஓட்டுநா் காயமடைந்தாா்.

கோவையில் இருந்து ரேஷன் அரிசி மூட்டைகளை ஏற்றிய லாரி, வால்பாறை ரொட்டிக்கடை எஸ்டேட் பகுதியில் செவ்வாய்க்கிழமை வந்தபோது வளைவில் லாரி கவிழந்தது.

இதில் லாரியை ஓட்டி வந்த ஆழியாறு சுங்கம் பகுதியைச் சோ்ந்த பிரகாஷ் (34) என்பவருக்கு முதுகு பகுதியில் காயம் ஏற்பட்டு வால்பாறை அரசு மருத்துவமனைக்கு அனுப்பிவைக்கப்பட்டாா்.

அரிசி மூட்டைகள் மாற்று லாரி மூலம் வால்பாறைக்கு கொண்டுச் சென்றனா். சம்பவம் தொடா்பாக போலீஸாா் விசாரணை நடத்தி வருகின்றனா்.