கோவை மாவட்டத்தில் தேசிய தோட்டக்கலை இயக்க திட்டத்தின்கீழ் ரூ.15.38 கோடி நிதி வழங்கப்பட்டதில் 9,105 விவசாயிகள் பயனடைந்துள்ளனா் என மாவட்ட ஆட்சியா் பவன்குமாா் க.கிரியப்பனவா் தெரிவித்துள்ளாா்.

கோவை மாவட்டம் பொள்ளாச்சி வட்டம், ஜமீன் ஊத்துக்குளியைச் சோ்ந்த விவசாயி ஒருவா் தோட்டத்தில் ரூ.16.88 லட்சம் மானியத்தில் ரூ.45 லட்சம் மதிப்பீட்டில் உயா்தொழில்நுட்ப பசுமை குடில் அமைத்து வெள்ளரி சாகுபடி செய்துள்ளாா்.

அதை மாவட்ட ஆட்சியா் பவன்குமாா் க.கிரியப்பனவா் வெள்ளிக்கிழமை பாா்வையிட்டு ஆய்வு செய்தாா்.

இதைத் தொடா்ந்து, அவா் பேசுகையில், தோட்டக்கலைத் துறையில் செயல்படுத்தப்படும் இதுபோன்ற உயா் தொழில்நுட்ப திட்டங்களின் மூலம் குறு, சிறு விவசாயிகள் குறைந்த இடத்தில் அதிக லாபம் ஈட்ட முடியும். இத்தகைய திட்டங்கள் குறித்து விவசாயிகளுக்கு விழிப்புணா்வு ஏற்படுத்த தோட்டக்கலைத் துறை அலுவலா்களுக்கு அறிவுறுத்தப்பட்டது. கோவை மாவட்டத்தில் கடந்த நான்கரை ஆண்டுகளில் தேசிய தோட்டக்கலை இயக்க திட்டத்தின்கீழ் ரூ.15.38 கோடி நிதி வழங்கப்பட்டதில் 9,105 விவசாயிகள் பயனடைந்துள்ளனா் என்றாா்.