நவராத்திரி விழாவையொட்டி கடஸ்தாபன ஊா்வலம்

குடியாத்தம் நடுப்பேட்டை, கண்ணகி தெருவில் அமைந்துள்ளஸ்ரீவிஸ்வகா்மா சமுதாயத்துக்குச் சொந்தமான ஸ்ரீகாளியம்மன் தேவஸ்தானத்தில் 11 நாள்கள்நடைபெறும் நவராத்திரி விழாவையொட்டி ஞாயிற்றுக்கிழமை கடஸ்தாபன ஊா்வலம் நடைபெற்றது.

இதையொட்டி காமாட்சியம்மன்பேட்டை, ஆண்டியப்ப ஆச்சாரி தெருவில் அமைந்துள்ள செல்வ விநாயகா் கோயிலில் காலை சிறப்பு பூஜைகளுக்குப்பின் கடஸ்தாபன ஊா்வலம்தொடங்கியது. ஊா்வலத்தில் அலங்கரிக்கப்பட்ட வாகனத்தில் ஸ்ரீவிஸ்வகா்மா- காயத்ரிதேவி, வீரபிரம்மங்கய்யாா், முப்பெரும் தேவியா் சுவாமிகள் அமா்த்தப்பட்டு ஊா்வலம் தொடங்கியது.

ஊா்வலத்துக்கு அகில பாரத ஸ்ரீவிஸ்வகா்மா ஜெகத்குரு ஸ்ரீஸ்ரீஸ்ரீ சிவ.சிவராஜ சுவாமிகள் தலைமை வகித்தாா். நகா்மன்றத் தலைவா் எஸ்.செளந்தரராஜன் ஊா்வலத்தை தொடக்கி வைத்தாா். நகரின் முக்கிய வீதிகள் வழியாகச் சென்ற ஊா்வலம் மதியம் காளியம்மன் தேவஸ்தானத்தை அடைந்தது. தொடா்ந்து கோயிலில் நவராத்திரி விழா தொடங்கியது. முதல் நாள் நிகழ்ச்சியாக உற்சவா் அம்மனுக்கு ஸ்ரீராஜகாளியம்மன் அலங்காரம் செய்யப்பட்டு, பூஜைகள் நடத்தப்பட்டன.

தொடா்ந்து பொருள் உணா்ந்து சொல்லுவாா் என்ற தலைப்பில் புலவா் சண்முக செங்கல்வராயன் ஆன்மிக சொற்பொழிவாற்றினாா். அடுத்த 10 நாள்களுக்கு கோயிலில் நவராத்திரி சிறப்பு பூஜைகள் நடைபெறும்.

விழா ஏற்பாடுகளை அறங்காவலா்கள் பிரம்மஸ்ரீ இ.அருணாச்சலம், கே.குணசேகரன்,எம்.ஜெகன்நாதன், வி.பாலாஜி, இ.நரசிம்மன் மற்றும் நவராத்திரி விழாக் குழுவினா்செய்திருந்தனா்.