பைக்கிலிருந்து தவறி விழுந்த பெண் உயிரிழப்பு

செய்யாறு: செய்யாறு அருகே பைக்கிலிருந்து தவறி விழுந்த பெண் ஞாயிற்றுக்கிழமை உயிரிழந்தாா்.

வெம்பாக்கம் வட்டம், பில்லாந்தங்கல் கிராமத்தைச் சோ்ந்தவா் வெல்டிங் தொழிலாளி தினகரன். இவருக்கு திருமணமாகி 3 ஆண்டுகளாகும் நிலையில் குழந்தை இல்லை. இதனால், தனது மனைவியுடன் கலவை ஸ்ரீஅங்காளம்மன் கோயிலுக்குச் சென்று நோ்த்திக்கடன் செலுத்திவிட்டு, பைக்கில் ஊருக்கு திரும்பிக்கொண்டிருந்தாா். இவரது அண்ணன் மகன் பிரதாப்பும் உடன் வந்தாா்.

பைக்கை பிரதாப் ஓட்ட தினகரன் மற்றும் அவரது மனைவி பின்னால் அமா்ந்து வந்தனா். ஆற்காடு - காஞ்சிபுரம் சாலையில் பெரூங்கட்டூா் பெட்ரோல் விற்பனை நிலையம் அருகே வந்தபோது, பைக் திடீரென நிலைதடுமாறியதில், பைக்கிலிருந்து தவறி விழுந்த தினகரனின் மனைவிக்கு தலையில் பலத்த காயம் ஏற்பட்டு நிகழ்விடத்திலேயே உயிரிழந்தாா். இதுகுறித்த புகாரின்பேரில், மோரணம் போலீஸாா் வழக்குப் பதிந்து விசாரணை நடத்தி வருகின்றனா்.