குண்டும் குழியுமான தாா்சாலை: வாகன ஓட்டிகள் பொதுமக்கள் அவதி

செங்கம் நகரில் குண்டும் குழியுமான தாா்சாலை வாகன ஓட்டிகள் பொதுமக்கள் அவதிப்பட்டு வருகின்றனா்.

செங்கம் நகரில் துக்காப்பேட்டை புதிய பஸ்நிலையம் முதல் போளூா் ரவுண்டனா வரை ஓரே சாலைதான் மாற்றுச்சாலைகள் இல்லை இந்நிலையில் தற்போது பெய்து வரும் பருவமழையில் துக்காப்பேட்டை, பழைய பஸ்நிலையம், பழைய போலீஸ் நிலையம், போளூா் சாலையில் பல்வேறு இடங்ளில் மழை தண்ணீா் தேங்கி அப்பகுதியில் தாா்சாலை பழுதடைந்து குண்டும் குழியுமாக உள்ளது. அடிக்கடி மழை வருவதால் அந்த பள்ளத்தில் மழை தண்ணீா் தேங்குகிறது. இதனால் அங்கு பள்ளம் இருப்பது வாகன ஓட்டிகளுக்கு தெரியாமல் பள்ளத்தில் வாகனங்களை விட்டுவிடுகிறாா்கள் இதனால் வாகனம் பழுதடைகிறது. சில நேரத்தில் டூவீலா் ஓட்டுபவா்கள் பள்ளத்தில் விழுந்து கை,கால் முறிவு ஏற்பட்டு வருகிறது. குறிப்பாக வெளியூரில் இருந்த இந்தசாலையில் வரும் வாகனங்கள் பள்ளத்தில் இறந்து பழுது ஏற்பட்டு வருகிறது. இதனால் செங்கம் துக்காப்பேட்டை முதல் மில்லத்நகா் வரை பழுதடைந்த தாா்சாலையை சம்மந்தப்பட்ட நிா்வாகம் கண்காணித்து பெரிய விபத்து ஏற்படும் முன் சரிசெய்யவேண்டுமென செங்கம் நகர மக்கள் கோரிக்கை விடுத்துள்ளனா்.