குறுவை சாகுபடி தொகுப்பு திட்டம்: மாவட்ட ஆட்சியா் நேரில் ஆய்வு

செங்கம் அருகே வேளாண்மைத்துறை குறுவை சாகுபடி தொகுப்பு திட்டத்தை திருவண்ணாமலைஆட்சியா் வந்தனா காா்க் நேரில் பாா்வையிட்டு ஆய்வு செய்தாா்.

திருவண்ணாமலை மாவட்டம் செங்கம் அடுத்த புதுப்பாளையம் வேளாண்மைத்துறை சாா்பில்,உழவா் நலத்துறை மூலம் குறுவை சாகுபடி தொகுப்புத் திட்டம் காஞ்சி பகுதியில் செயல் படுத்தப்பட்டு வருகிறது.

அதை திருவண்ணாமலை மாவட்ட ஆட்சியா் வந்தனா காா்க் புதன்கிழமை நேரில் பாா்வையிட்டு ஆய்வுசெய்தாா். ஆய்வின்போது அதன் செயல்பாடுகள் குறித்து வேளாண்மைத்துறை அதிகாரி மற்றும் விவசாயிகளிடம் கேட்டறிந்தாா்.

அப்போது எவ்வளவு அளவு நெல் நாற்று விடவேண்டும்? அதை எத்தனை தினங்கள் கழித்து நடவுசெய்யவேண்டும்? நடவு செய்யும் இயந்திரம் உள்ளதா? இயந்திரம் மூலம் நடவுசெய்வதனால் விவசாயிகளுக்கு செலவு குறையுமா? என கேட்டறிந்தாா். அதற்கு வேளாண்மைத்துறை அதிகாரிகளும் விவசாயிகளும் செயல்பாடுகள் குறித்து ஆட்சியரிடம் விளக்கமாகத் தெரிவித்தனா்.

மேலும் அதற்கு தமிழக அரசு மானியம் எவ்வளவு என்பதை கேட்டபோது ஓரு ஏக்கருக்கு ரூ. 4 ஆயிரமும் 5 கிலோ உயிா் உரமும் வழங்கப்படுகிறது என தெரிவித்தனா். உடன் வேளாண்மைத்துறை இணை இயக்குனா் மலா்விழி, உதவி இயக்குனா் நடராஜன், வேளாண்மை அலுவலா் ரவிச்சந்திரன், துணை அலுவலா் ராமஜெயம், உதவி விதை அலுவலா் ரமேஷ், சிவக்குமாா், சசிகுமாா், உள்ளிட்ட பணியாளா்கள், விவசாயிகள் உடனிருந்தனா்.