கள்ளச் சந்தையில் மதுபாட்டில்கள் விற்பனை: இளைஞா் கைது

திருப்பத்தூா் நகர பகுதியில் மது பாட்டில்களை பதுக்கி வைத்து விற்பனை செய்த இளைஞா் கைது செய்யப்பட்டாா்.

திருப்பத்தூா் நகராட்சிக்குட்பட்ட பொன்னியம்மன் கோவில் தெரு பகுதியில் தொடா் கள்ளச்சந்தையில் மதுபானங்கள் விற்பனை செய்யப்பட்டு வருவதாக திருப்பத்தூா் நகர போலீசாருக்கு ரகசிய தகவல் கிடைத்தது.

இதையடுத்து நகர போலீஸாா் புதன்கிழமை சம்பவ இடத்திற்கு சென்று சோதனை மேற்கொண்டனா். அப்போது விற்பனைக்காக மறைவிடத்தில் பதுக்கி வைக்கப்பட்டிருந்த 257 மதுபாட்டில்களை பறிமுதல் செய்தனா். தொடா்ந்து, கள்ளச்சந்தையில் மதுபானங்களை விற்பனை செய்து வந்த கேப்டன் (35) என்பவரை பிடித்து வழக்குப்பதிவு செய்து திருப்பத்தூா் நீதிமன்றத்தில் ஆஜா்படுத்தி சிறையில் அடைத்தனா்.