மின்சாரம் பாய்ந்து தொழிலாளி உயிரிழப்பு

கந்திலி அருகே மின்சாரம் பாய்ந்து தொழிலாளி உயிரிழந்தாா்.

கந்திலி அருகே அனுமம்பட்டி பகுதியை சோ்ந்தவா் பன்னீா்செல்வம் (50). கூலித் தொழிலாளி. இவா் கந்திலி அருகே உள்ள கோமாளிபட்டி பகுதியில் திங்கள்கிழமை நடந்து சென்று கொண்டு இருந்தாா்.

இந்த நிலையில் அந்த பகுதியில் அமைக்கப்பட்டு இருந்த புதிய மின்கம்பத்தின் எா்த் கம்பியில் மின் ஒயா் உரசியதன் காரணமாக, மின்சாரம் பாய்ந்துகொண்டு இருந்தது.

இதனை கவனிக்காமல் பன்னீா்செல்வம் அந்த எா்த் கம்பியை மிதித்து உள்ளாா். இதில் மின்சாரம் பாய்ந்து பன்னீா்செல்வம் சம்பவ இடத்திலேயே பரிதாபமாக உயிரிழந்தாா்.

இது குறித்து தகவல் அறிந்த கந்திலி போலீஸாா் பன்னீா்செல்வம் சடலத்தை மீட்டு, திருப்பத்தூா் அரசு மருத்துவமனைக்கு அனுப்பி வைத்தனா். மேலும், இது குறித்து போலீஸாா் வழக்குப் பதிவு செய்து விசாரணை நடத்தி வருகின்றனா்.