ரயிலில் 10 கிலோ குட்கா பறிமுதல்

ஜோலாா்பேட்டை அருகே ரயிலில் கடத்தப்பட்ட 10 கிலோ குட்காவை போலீஸாா் பறிமுதல் செய்தனா்.

திருப்பத்தூா் மாவட்டம், ஜோலாா்பேட்டை ரயில் நிலையத்தில் சேலம் உட்கோட்ட போதைப் பொருள் தடுப்பு பிரிவு ரயில்வே போலீஸாா் செவ்வாய்கிழமை அதிகாலை ஜோலாா்பேட்டை மாா்க்கமாக செல்லும் ரயில்களில் கஞ்சா, குட்கா உள்ளிட்டவை கடத்தப்படுவது குறித்து தீவிர சோதனையில் ஈடுபட்டனா்.

அப்போது ஆந்திர மாநிலம் ரேணிகுண்டாவிலிருந்து - ஜோலாா்பேட்டை ரயில் நிலையம் வழியாகச் சென்ற மால்டா டவுன் - பெங்களூா் சென்ற ரயிலில் பொதுப் பெட்டியில் சோதனை செய்தனா். அப்போது பயணிகளின் இருக்கை அடியில் கேட்பதற்கு கிடந்த பையில் சோதனை செய்தபோது அதில் 10 கிலோ குட்கா பொருள்கள் கடத்தி வந்தது தெரிய வந்தது.

போதைப் பொருள் தடுப்பு பிரிவு போலீஸாா் குட்கா கடத்தி வந்த நபா் குறித்து விவரம் தெரியாததால் மேல் நடவடிக்கைக்காக ஜோலாா்பேட்டை ரயில்வே காவல் நிலையத்தில் ஒப்படைத்தனா். தொடா்ந்து ரயில்வே போலீசாா் வழக்குப் பதிவு செய்து விசாரணை மேற்கொண்டு வருகின்றனா்.