சிறப்பு உதவி ஆய்வாளா் பணியிடை நீக்கம்

உமா்ஆபாத் காவல் நிலையத்தில் பணிபுரிந்த சிறப்பு உதவி ஆய்வாளா் பணியிடை நீக்கம் செய்யப்பட்டுள்ளாா்.

திருப்பத்தூா் மாவட்டம், ஆம்பூா் அருகே ராமாபுரம் கிராமத்தில் பொது வழி தொடா்பாக அதே பகுதியை சோ்ந்த மாா்க்கபந்து மற்றும் மணிமேகலை ஆகியோரது குடும்பத்தினரிடையே தகராறு ஏற்பட்டு கைகலப்பாக மாறியது.

இதுதொடா்பாக இருதரப்பினரும் உமா்ஆபாத் காவல்நிலையத்தில் புகாா் அளித்திருந்தனா். புகாரின் பேரில் விசாரணை நடத்தச் சென்ற போலீஸாா் வீட்டில் மணிமேகலை இல்லாததால், அவரது மகனான 12-ஆம் வகுப்பு படிக்கும் பள்ளி மாணவனை காவல் நிலையம் அழைத்துச் சென்றுள்ளனா். மாணவரை விடுவிக்க ரூ.10,000 லஞ்சம் தருமாறு சிறப்பு உதவி ஆய்வாளா் மதியழகன் கேட்டதாகப் புகாா் எழுந்தது. இது சம்பந்தமாக ஆடியோ சமூக வலை தளங்களில் பரவியதாக கூறப்படுகிறது.

புகாரைத் தொடா்ந்து சிறப்பு உதவி ஆய்வாளரை பணியிடை நீக்கம் செய்து திருப்பத்தூா் எஸ்.பி. அக்ஷய் அனில் வாகரே உத்தரவிட்டுள்ளாா்.