வாணியம்பாடி: வாணியம்பாடியில் சாலை பாதுகாப்பு மற்றும் மாா்பக புற்றுநோய் தடுப்பு விழிப்புணா்வு ஊா்வலத்தில் வருவாய் கோட்டாட்சியா், எம்எல்ஏ பங்கேற்றனா்.

வாணியம்பாடி டேவிட் பல்நோக்கு மருத்துவமனை மற்றும் இந்திய மருத்துவ சங்கம் இணைந்து சாலை பாதுகாப்பு மற்றும் மாா்பக புற்றுநோய் தடுப்பு விழிப்புணா்வு ஊா்வலம் நடைபெற்றது.

அரசு மருத்துவமனை சாலையில் இருந்து புறப்பட்ட ஊா்வலத்துக்கு இந்திய மருத்துவ சங்க கிளை வாணியம்பாடி தலைவா் மருத்துவா் பசுபதி தலைமை வகித்தாா். செயலாளா் டேவிட் விமல்குமாா், பொருளாளா் மப்ரூக்கா, மருத்துவமனை இயக்குநா் நிட்டிரோஸ் ஆகியோா் முன்னிலை வகித்தனா். ஊா்வலத்தை வாணியம்பாடி எம்எல்ஏ கோ.செந்தில்குமாா் தொடங்கி வைத்தாா்.

தொடா்ந்து, செவிலியா்கள், கல்லூரி மாணவ, மாணவிகள் பல்வேறு அமைப்பினா் கலந்து கொண்டு, சாலைப் பாதுகாப்பு குறித்தும், மாா்பக புற்றுநோய் குறித்தும் பல்வேறு விழிப்புணா்வு நாடகங்களை நடத்தியவாறு ஊா்வலமாகச் சென்றனா். இந்த ஊா்வலம் சி.என்.ஏ. ரோடு, நியூடவுன் வழியாக நகராட்சி அலுவலகம் அடைந்தது அங்கு கலை நிகழ்ச்சிகள் நடத்தப்பட்டது.

நிகழ்ச்சியில் கோட்டாட்சியா் அஜிதா பேகம், முன்னாள் எம்எல்ஏ சம்பத் குமாா், நகா்மன்றத் தலைவா் உமா சிவாஜி கணேசன், ஆணையா் ரகுராமன், நகர திமுக செயலாளா் வி.எஸ்.சாரதி குமாா், நகர அதிமுக செயலாளா் சதாசிவம், மருத்துவா்கள் விசாகப் பெருமாள், பிரவீன்குமாா், தன்வீா், கயல்விழி, வாணிடெக் நிா்வாக இயக்குநா் இக்பால் அகமது, மற்றும் நகா்மன்ற உறுப்பினா்கள், தொண்டு நிறுவனத்தினா் ஊா்வலத்தில் கலந்து கொண்டனா்.

ஊா்வலத்தில் கலந்து கொண்ட வாகன ஓட்டிகளுக்கு தலைக்கவசம் இலவசமாக வழங்கப்பட்டது.