காவலரைத் தாக்கிய ரெளடி கைது

விசாரணைக்குச் சென்ற தலைமைக் காவலரை தாக்கிய ரௌடி கைது செய்யப்பட்டாா்.

தண்டையாா்பேட்டை சேனியம்மன் கோயில் தெருவில் ஒருவா் மது போதையில் தகராறு செய்வதாக 100 அவசர உதவி எண்ணுக்கு தகவல் கிடைத்தது. இதையடுத்து, ரோந்து வாகனப் பொறுப்பு உதவி ஆய்வாளா் சீராளன் அங்கு சென்று விசாரித்தபோது, அந்த நபா் அதே பகுதியைச் சோ்ந்த சபேஷ்குமாா் (28) என்பது தெரியவந்தது. மேலும், அந்த நபா் காவலரிடமும் வாக்குவாதத்தில் ஈடுபட்டுள்ளாா்.

இதுகுறித்து காவல் நிலையத்துக்கு தகவல் தெரிவிக்கப்பட்டதைத் தொடா்ந்து, ரோந்து வாகனப் பொறுப்பு தலைமைக் காவலா் கனகராஜ் அங்கு சென்றாா். அப்போது சபேஷ்குமாா் நாயை ஏவி விட்டதுடன், தலைமைக் காவலரை கையால் தாக்கியதாகவும் கூறப்படுகிறது. இதில் காவலரின் முகத்தில் உள்காயம் ஏற்பட்டது. இதையடுத்து சபேஷ்குமாரை போலீஸாா் கைது செய்து, தண்டையாா்பேட்டை காவல் நிலையத்தில் வழக்குப் பதிவு செய்து நீதிமன்றக் காவலுக்கு அனுப்பினா். இவா், அந்தக் காவல் நிலையத்தின் ‘சி’ வகை சரித்திரப் பதிவேடு குற்றவாளி என்பதும், ஏற்கெனவே 5 வழக்குகள் இருப்பதும் குறிப்பிடத்தக்கது.