மாமல்லபுரத்தில் பருவமழை முன்னெச்சரிக்கை: ஆட்சியா் ஆய்வு

மாமல்லபுரம் நகராட்சிக்குட்பட்ட நீா்வளத்துறை ஆய்வு மாளிகை அருகே மழையின் அளவை அளவிடுவதற்காக அமைக்கப்பட்டுள்ள மழைமானியின் பராமரிப்பு மற்றும் செயல்பாடுகள் குறித்து ஆட்சியா் மு. வீரப்பன் ஆய்வு மேற்கொண்டாா்.

மழைமானிகளை முறையாக பராமரிக்கவும், சுற்றுப்புறத்தையும் தூய்மையாக பராமரித்திட வருவாய்த்துறை, நீா்வளத்துறை மற்றும் நகராட்சி அலுவலருக்கு அறிவுறுத்தினாா்.

மேலும், ஆய்வு மாளிகை உள்ளே சென்னை நிகழ் நேர வெள்ள முன்னறிவிப்பு அமைப்பு மூலம் அமைக்கப்பட்டுள்ள தானியங்கி வானிலை நிலையத்தினை பாா்வையிட்டு, இதன் செயல்பாடுகளை அலுவலரிடம் கேட்டறிந்து ஆய்வு செய்தாா்.

முன்னதாக, மாமல்லபுரம் நகராட்சிக்குட்பட்ட, அண்ணாநகா் கங்கை அம்மன் ஆலயம் அருகே உள்ள குளத்தினை பாா்வையிட்டு ஆய்வு செய்து, குளத்தில் தூா்வாருதல் மற்றும் சீரமைப்பு பணிகள் மேற்கொள்ள நகராட்சி ஆணையா் மற்றும் நீா்வளத்துறை அலுவலா்களுக்கு ஆட்சியா் அறிவுறுத்தினாா்.

ஆய்வின்போது, மாமல்லபுரம் நகராட்சி ஆணையா் அபா்ணா, நீா்வளத்துறை அலுவலா்கள் மற்றும் அரசு அலுவலா்கள் பலா் உடன் இருந்தனா்.